今日校車遲大到, 我地唔等了, 同obi一齊搭的士, 準時九點前到校, 爸爸放假, 今日同媽媽一齊接我放學, 去又一城食飯, 媽媽話等我開心吓!
最重要係媽媽想同班主任Miss Lee傾下我的情況, Miss Lee話我熟左環境後開始跩跩了, 經常整蠱obi, 將食過的包包放落佢的碟, 倒瀉水(故意的), 推玩具, 搞百頁簾, 玩完sir滑梯唔肯返入課室...等等平時在屋企普遍發生的引人注意百厭行為, Miss Lee話我比較活躍, 但思想仲好BB, 以為咁做好好玩, 罰我鬧我起唔到作用, 唯有比d時間, 等我長大, 腦筋成熟d, 就會好!
第五日返學就現形了, 媽媽唔再擔心我怕陌生, 唔適應, 日日喊.. 而開始擔心我唔守秩序, 搞搞震, 唔聽書, 跟唔到進度...學費好貴架!
又一城食飯後去toysrus打個轉, 我想買percy火車, 但媽媽覺得太貴, 又無乜用, 最後扭左隻蛋, 我已經好開心!
搭地鐵返屋企, 我同爸爸荔枝角落車先, 媽媽要去教琴, 分離一刻令我情緒激動, 上左地面都衝返落地鐵站, 要揾媽咪! 最後爸爸費盡九牛二虎之力, 勉強將我制服, 再加雪糕, 先平安返到屋企!
