今日爸爸放假, 媽媽命令佢中午落樓接我放學, 開學以來都係媽媽接我的, 單獨爸爸一個人來, 從未試過, 可怕的事情就發生了! 我一落校車, 見唔到媽媽馬上大吵大鬧, lur地唔肯行, june姨姨和obi的工人姐姐見狀, 但愛莫能助, 據爸爸報道, 我反抗的程度係前所未有咁強烈, 不斷呼叫住: "媽咪~~媽咪~~~~" 路人仲以為我被綁架, 幾經辛苦爸爸先強行將我帶返屋企, 返入屋我仲未嬲完, 企係門口喊左好耐, 似乎投訴媽媽唔來接我! 可憐的爸爸本來已五勞七傷, 同我搏鬥後又稱呢度痛果度痛...仲話: "以後唔湊你放學!"
晚上爸爸帶我搭地鐵, 去葵芳同媽媽會合, 去食元氣壽司! 間中幫襯迴轉壽司係我家的盛事, 我每次去都好興奮, 覺得d壽司在輸送帶轉來輚去, 好似火車, 今晚我例牌食甜蛋壽司, 豆腐皮壽司和三文魚頭湯, 餐後仲叫左綠茶雪糕, 雪到好硬, 爸爸, 媽媽和我每人各持一匙羹仔, 掘呀掘, 好硬的雪糕我都掘得起, 看來手部小肌肉發展得唔錯.
飯後去葵涌廣場打個轉, 扭左一隻蛋, 係sir handel, 去寵物店睇rabbits和hamssters, 仲有寄居蟹, 然後搭地鐡返屋企, 好開心的一晚家庭活動!
