逢星期六媽媽一早就出去教琴, 爸爸負責照顧我, 直到中午飯後, 每次媽媽返到屋企, 情況都十分可怕, 屋裡的所有玩具, 圖書, 卡卡..都會脫離原來的位置, 有時連鞋架的鞋都被翻出來, 混亂程度如同柬埔寨的垃圾山, 媽媽最唔抵得間屋亂如戰場(因為本來已好亂), 一入屋就動手清理, 今日規模甚大, 清理時間花掉二十分鐘!
星期六無所事事, 我地通常會揾d野搞下, 今晚近近地去海麗村食大快活, 佢d唔落味精系列, 可能真係無落味精, 真係唔錯. 飽飽後媽媽提議我去公園玩, 海麗村的遊樂設施好豐富, 有三區兒童遊樂場, 令我好忙, 玩得滿頭大汗, 晚上屋村有少年聚集係必然的, 我走埋一班在smoking的青年男女身邊, 媽媽馬上將我捉走, 幾名疑似不良少女在滑梯上打坐聊天, 我偏要走過去, d姐姐無我咁好氣, 讓路比我sir滑梯. 我呢d好動型幼兒唔發洩下唔得, 出一身汗, 返屋企沖個涼, 入房覺豬, 不知幾好訓!
