今早媽媽一早打電話去天文台問天氣, 當時係7點, 仲係一號風球, 媽媽以為一號風球哦, 要返學嘞, 就幫我換衫梳洗, 點知一出門口遇到鄰居姨姨, 話比媽媽知今日停課哦! 媽媽懵閉閉, 叫返我入屋, 媽媽話:"打風呀, 唔洗返學呀!" 我唔知發生咩事, 點解走返入屋? 媽媽再講"no school!" 我即刻大笑說"no school?" 然後跑返入房, 跳上床, 笑騎騎說:"put off socks (應該take off先啱), 然後除襪, 攤係張床碌來碌去!
無啦啦放日假, 媽媽買左壽司做午餐, 我一人獨享五件雞蛋壽司, 非常滿足, 到夜晚食飯, 我以為仲會有雞蛋壽司, 我真係好鍾意食蛋呢!
