今日實在太忙, 一早同媽媽返青衣, 婆婆已經在巴士站等我, 上兩個星期六我都係返青衣玩, 我已經習慣了, 知道媽媽去彈琴, 分別時都無糾纏, 馬上同媽媽講拜拜, 然後拖住婆婆去玩了.
婆婆先同我去麥當勞食早餐, 我又食無益的薯餅, 然後去街市買餸, 途經剛才同媽媽分別的地方, 我跑過去, 婆婆問我去邊呀, 我話去"揾媽咪!" 婆婆真厲害, 買完餸拖住我行大斜路返屋企, 成身大汗, 飯後午睡, 然後由爸爸接走, 去美孚嘉華叔叔的新居參觀.
嘉華叔叔搬了新屋, 我地買左雪糕上去, 當然第一時間品嘗, 去到人地屋企我依然咁"活潑", 當正自己屋企, 仲玩到唔願走, 賴死到九點幾, 最後爸爸媽媽唯有強行將我抱走, 鞋都無著, 我淚流滿面, 哭聲陣天地離開, 我淒涼地喊住要求"我著鞋!" 著返對鞋之後我又若無其事, 回復紮紮跳了!
