我校功課算多, 已有三本(pre-writing, shapes, chinese), 幾乎每日都有功課派返來, 最近的pre-writing不停要我連線, 我最憎, 基本上從來無喜歡過, 媽媽亦唔想強迫我, 好多小朋友都喜歡連線, 媽媽細個時都唔例外, 唔知點解我一d興趣都無, 反而有次媽媽見到我拿住筆玩迷宮, 口裡唸唸有詞:one, two, three, four... 所以暫時無興趣拿筆畫線, 就算了, 迫都無謂.
今日放學返來, 食飯都幾乖, 食飽就去訓, 訓醒等媽媽教完琴, 就落會所同雅雯玩, 我鍾意自己玩多d, 有時又會同雅雯爭執, 好正常, 臨走時又呱呱叫, 唔願走, 發晒爛渣, 最後咪又係要屈服, 都唔明點解我成日都咁硬頸, 又惡死.
