近日又收到不寫日記的投訴，疏於更新日記的原因之一，是媽媽忙於睇電視，自從家裡有了高清和外置硬碟機，媽媽發現預錄節目竟能如此方便，於是不停錄影，係又錄，唔係又錄，待晚上整我訓左後慢慢嘆。高清台重播“夢想飛行Good luck”，媽媽作為木村Fan屎，當然要日日捧場，再三回味。
今晚媽媽太心急想看，而我又自顧自在玩Thomas, 媽媽就提早在晚飯後開始睇。誰知睇左一陣，我突然指住電視用英文講：“Off TV，mami.”媽媽說：“Mami is watching this programme.”媽媽完全無關電視的打算，我再說：“Ok, off TV mami, please.”竟然出動到please, 媽媽拿拿淋熄電視，同我玩泥膠。各位家長記住唔好學我媽媽，掛住睇木村唔同小朋友玩呀，飯後睡前的時間一定要陪小朋友哦！
