最近好喜歡睇明珠台四點鐘的恐龍小教室Tikkabilla,係英國BBC的節目,通常4點我訓緊晏覺,媽媽會錄影左比我睇,內容好益智,前幾日介紹巴士廠生產巴士的過程,我好有興趣喎,仲話:"叔叔整架巴士比歐昭駿坐",今日媽媽在廚房煮飯,聽見我話:"叔叔整架火車喎!"原來今日係生產火車,啱晒我胃口.可憐爸爸晚飯時間都無得睇鹿鼎記,要陪我睇兒童節目!