我家將於復活節其間進行工程, 細房將會變成我的睡房, 今日大舅公來將入牆的書枱和書架拆走, 爸媽昨夜將房內雜物徹底移走, 工程浩大, 攰到隻野咁.
我放學回來, 細房已經空空如也, 我話:"無o既? 無枱枱o既? Nothing!" 媽媽話比我知我好快就有自己的床, 書枱, 衣櫃, 成間房都係我o既! 唔知我明唔明白係咩一回事, 我已經表現得好開心咁話:"歐昭駿o既房, 歐昭駿有床床, 要綠色床床!"
書枱拆走, 電腦被放在膠衣箱上, 媽媽坐在矮櫈打電腦, 坐得耐骨頭都散, 所以相信未來一個月昭駿的世界脫稿的情況會持續!
