爸爸喜歡用攝錄機拍我, 媽媽喜歡用電腦做後期製作, 燒錄成dvd光碟保存, 我就最喜歡睇呢d"歐昭駿家庭影院", 但媽媽覺得我太沉迷睇自己, 已停看了一段好長時間.
另一個原因係我地轉用了jvc數碼攝錄機, 影片格式比較特殊, 媽媽自去年六月都搞唔掂個新的軟件, 年紀大真係無得傾, 適應力自然減退, 學野慢, 相信好快會被社會淘汰. 話雖如此, 媽媽有無窮的意志力, 先後嘗試用power director, ulead, premiere...都失敗! 不過原來之前的999次失敗原來都係成功之母, 今早媽媽終於靈機一觸, 諗到另一個方法, 原來只需分兩個步驟, 先將mod合併轉成一個mpeg, 然後再用另一個軟件燒成DVD光碟, 即成!
呢個"難題"如發生在一個初中生身上, 可能唔洗一陣就解決到, 年代已經唔同左, 今時今日媽媽要用幾百倍時間精神先做到, 真係唔認老唔得.
宇晴軒開左吉之島十蚊店, 飯後媽媽帶我去參觀下, 好大間好齊全, 以後又多個購物+消閒點. 晚上媽媽摺衫, 我突然幫忙摺起毛巾來, 媽媽好高興, 分配左幾條方型毛巾仔比我摺, 我摺得似模似樣, 認真工作的樣子好好笑!