昨天開始有幾聲咳,聲沙晒,今早媽媽帶我去揾高醫生,高醫生話:"冷親下,無乜野o既,食d藥啦!"我話:"唔食藥!"高醫生苦笑:"咁開隻甜d既藥比你啦."睇完醫生去食早餐,麥當勞對面開左一間玩具店,上次媽媽送左一個剷泥車lego玩具比我,今日我食髓知味,好想要一副火車玩具,但媽媽反對,我最近已經好乖仔,好少扭計了,但見到火車實在好難抗拒,於是施展扭玩具戰術,喊+怪叫+賴死唔走,不過媽媽條頸比我更硬,加上訓練有素,百忍成金,不打不鬧都成功將我制服!
