骨科醫生今日再來睇我, 我的傷口依然無好轉, 睇黎做手術係無可避免, 手術是要在我的大脾攞一小塊皮去補返腳面的傷口, 媽媽聽到都點打冷震, 心裡百般不願意, 雖然唔願意我做手術, 因為要全身麻醉, 實有風險, 但我地日日返醫院洗傷口, 已經一個月了, 長痛不如短痛, 和爸爸商量後決定明天做手術!
準備明天的手術, 今日就要留院一晚, 見完醫生, 媽媽馬上帶我返dream house畫畫, 然後返上屋企拿拿淋執d野, 畫完畫接返我, 媽媽帶我去麥當勞食個餐, 然後去玩具店買左一份好大的的thomas石礦場玩具比我, 媽媽突然咁大手筆, 我不虞有詐, 歡天喜地歡呼:"去瑪嘉烈醫院玩新玩具囉!"
返到醫院, 我馬上打開新玩具, 今晚半夜開始禁食, 又要吊鹽水, 我有要求返屋企, 但最後都乖乖地接受在醫院過夜, 其實我都已經習慣了.