相信係受到劉老師的普通話課影響, 我出奇地愛吃月餅, 最近仲成日唱普通話的中秋應節歌:
一二三四 四個燈籠 (33211 22431)
一二三四 四個月餅 (55433 21231)
爸爸媽媽又學唱, 但媽媽年紀大, 常常將燈籠和月餅的次序調亂, 唱錯了我會糾正:"錯呀, 係燈籠先呀!"
屋企的月餅只有我一個擁躉, 但媽媽唔敢比我食太多, 每次只食八份之一個, 唔洗半分鐘就食晒. 裡面的蛋黃我話係波波, 媽媽話係蛋, 我半信半疑, 都食晒. 月餅又甜又黐牙, 晚上一定要好好清楚牙齒, 我刷牙都好乖, 從不偷懶, 因為我好怕有蟲蟲來揾我, 有時會自我警惕說:"要刷刷刷乾淨牙齒呀, 唔洗揾dentist幫你啦!"
仲有一首好洗好用的"甜甜歌", 我經常唱來提醒自己, 每個小朋友都應該要識唱哦:
甜甜, 甜甜, 甜的食物會壞牙
小心, 小心, 少吃糖果少蛀牙
注意, 注意, 吃完糖果要刷牙
小心, 小心, 我吃糖果, 糖果吃牙!
各位小朋友記住要好好刷牙, 唔好好似我媽咪咁, 最近又要揾dentist整牙, 整左萬幾蚊呢!
