學畫畫學左幾個月, 未夠半年, 畫作雖多, 但質素一般. 每次上課都興致勃勃, 雖秩序良好, 但每逄用粉彩塗色, 都擔天望地無心機, 在家亦很少主動畫畫, 只愛亂塗, 做功課時"被迫"要油顏色, 先會勉強油幾下, 每次都要媽媽幫手 (開學至今做功課都唔算太勞氣, 每日五至十分鐘內可完成, 感謝主!)
媽媽認為我唔會有任何美術天份, 亦唔敢奢望我會自行畫出一幅像樣的畫, 比我去畫室學畫只係想d野我做下, 唔好太無聊咁啫. 不過, 奇妙的事情今日就發生了, 晚上我在婆婆家玩的時候, 我突然表示想畫畫, 媽媽就比紙和蠟筆我, 媽媽以為我又會亂塗, 點知今次我畫了一個有眼耳口鼻頭髮和眼鏡的"爸爸"(普通話發音), 和一個像男人的"媽媽" (無眼鏡的), 我仲用普通話講出眼睛,鼻子, 嘴巴, 耳朵, 令媽媽感動到不得了!