媽媽昨晚將膠地墊拆出來洗, 然後排在客廳地下吹乾, 今早我醒來見到黃色和綠色地墊排晒隊, 十分驚訝:"Hey! 媽媽, 你整到亂晒龍啦!" 要求媽媽快d砌返好佢! 天氣潮濕唔單止衣服唔乾, 昨晚抹乾淨的地面今日又黐立立, 開抽濕機都搞唔掂.
返埋今日就放新年假了, 學校派通告叫今日係新年主題日, 要著中國服, 但媽媽無買, 因為我唔多鍾意著, 而且中國服要BB著先得意, 我已經大個仔, 著上身有點扮可愛. 媽媽本來打算比件棉襖我著, 但今早氣温19度加濕度99%, 再著棉襖唔中暑都焗病, 所以最後以一身醒目便服返學, 再加埋一支塑膠桃花, 返學校"行花市"都可以感受新年氣氛.
