今日爸爸接放學, 我一落校車就從書包攞出一本winnie the pooh填色畫冊, 話係老師送的, 當係寶, 呢本係用水就有色的神奇畫冊, 媽媽示範比我睇, 但我唔肯接受新事物, 堅持要用蠟筆填色, 媽媽覺得好勞氣.
午飯後返婆婆屋企, 婆婆話我現在成日搏嘴, 又嘈又多嘢講, 得我一個細路但搞到間屋好似好多人咁, 無時停. 晚上搞到成10:15先返到屋企, 和媽媽傾掂數, 沖好涼可以玩10分鐘火車, 我想玩"boo boo choo choo", 其實係thomas其中一首歌曲, 故事講percy小火車晚上行駛時好驚有鬼, 後來發現唔係有鬼, 只係夜晚的貓頭鷹在叫. 媽媽由得我自己玩, 自行幻想編故事, 突然我走入房揾媽媽, 說:"Mommy, I can hear the owl!" 媽媽說:"Where is it?" 我跳上窗台指出窗外)"It's on the top." 媽媽問:"On the top of the tree?" 我指住對面大廈頂樓說:"No, on the top of the building!" 嘩~~隻貓頭鷹飛到四十幾樓咁高我都望到, 仲聽到, 真係厲害.
上床後瞓唔著, 叫媽媽陪住我, 我又想同媽媽玩, 用手扮一條蛇:"Ssss.ss...It's a snake!" 媽媽叫我快d訓:"Go away, let Isaac sleep." 我將手伸到媽媽的枕頭下面:"The snake is sleepy too!" 然後我就馬上睡著了...zz..zzz...
