今日無返主日學, 爸爸陪我落街踩單車, 今晚同嫲嫲食母親節飯, 夜晚和媽媽在銅鑼灣會合一齊去香港仔新光, 爸爸和我在sogo超市閒逛, 買左兩盒北海道特選3.6牛乳, 成$11.x一盒得200ml, 媽媽在日本買過兩次明治牛奶, 一試難忘, 成日講好希望可以在香港買到, 於是爸爸在sogo一見到有日文字的牛奶, 就以為係, 大手筆買左兩盒, 點知唔係媽媽所講果隻. 那天在櫻花樹下野餐時飲的明治牛乳真係好美味, 成230yen一盒, 仲貴過香港的北海道3.6, 臨出機場前都買多兩盒同我一齊分享, 連我都話好好味呀.
我攬住盒牛奶去到酒樓, 表哥又衰衰咁企圖打劫我的牛奶, 我大叫:"唔好偷牛奶呀!" 去完疴尿尿出來表哥已經偷左! 可惡! 即刻搶返先. 今晚菜色都幾豐富, 我鍾意食荷葉飯和魚, 姑媽仲買左蛋糕, 係心形忌廉蛋糕, 我當然負責唱生日歌和吹蠟燭(?), 最緊要食埋兩塊朱古力牌.
幼稚園有母親節主題, 由星期五放學開始我間中會提一提大家:"就嚟母親節嘞!" 媽媽教我講"母親節快樂"和"Happy mother's day", 仲要唔淨止同自己媽媽講, 連人地的媽媽都要喎!
