下一站係新宿三丁目, 車程好短, 因為太早起床, 搭車時又訓著了, 爸爸媽媽一到伊勢丹就問百貨公司借一架bb車, 比我訓覺. 我咁大隻, 架車仔僅僅夠坐, 推住都訓到一陣, 媽媽順利買到agnes b銀包, 爸爸依然無收獲.
無幾耐我醒左, 發現自己坐在車仔, 又唔知身在何方, 大哭, 擾攘良久, 最後靠一杯名貴的haagen dazs雪糕平服心情, 乖乖地坐返在車仔食雪糕. 值得一提係伊勢丹真係無得頂, bb車好靚, 地方闊落舒適, 男售貨員個個高大靚仔, 廁所仲超高級, 唔知日本仲有無其他百貨公司比佢更高檔次.