今日係英文班第二堂, 依然只有我和Ms Ashton, 今日我地又做左d phonics練習, 同埋講下關於我學校d野啦, Ms Ashton問我What do you like to play at school? 我說I like to play wooden blocks at school. 課室的玩具來來去去嗰幾款, 每朝早返入課室就攞黎玩, 夠鐘就幫手收拾排隊疴尿尿, 日日如是好有規律.
The Little Gym好快就完晒, 仲有2堂未補, 一定要在semester完之前處理, 今爸爸專登攞假同我補堂, 上完英文我扭計, 想返屋企玩玩具, 唔肯去little gym, 跟住媽媽請我打波波機抒緩下情緒, 我打波波機仲贏左四連環, 有禮物, 係一張麥嘜貼紙, 好開心!
玩完波波機心情平服, 爸爸帶我搭巴士去尖沙咀, little gym搬左去海港城, 屋企後面的巴士半小時直達門口, 好方便, 我在車上訓左一小覺, 訓醒精神爽利. 約左4:15上cracker jack, 之前都玩過一次, 結合球類運動和體操, 都幾好玩. 但爸爸話我打golf好亂來, baseball都係.
晚上約左媽媽在青衣城食板前壽司, 食左燒玉子和甜蛋壽司, 仲飲甜蝦湯, 竟然飽到嘔, 爸爸話我落堂後食左個半個魚柳包餐, 再食咁多壽司, 唔嘔至奇. 嘔到衫衫污糟晒, 去廁所清理乾淨, 換套乾淨衫, 我話:"我無肚痛嘞!" 然後返入餐廳食埋未食完的燒王子...
