我愛月餅, 見到月餅廣告特別興奮, 今日和媽媽在大家樂排隊買厚切焗豬扒飯時, 見到有月餅單張, 好想攞一張, 但媽媽叫我唔好攞, 會製造垃圾, 我說:"咦, 呢度寫住Please take one喎!" 媽媽苦笑, 就容許我攞一張, 結果當然又製造了一張垃圾.
K2開始每日有兩本功課, 今日的功課係寫個"叉"字和細階f, 之前我寫字都無乜信心, 要媽媽幫, 喊打喊殺, 但今日寫f時突然大發神威:"我寫得好靚架, 我唔出界架, 睇住我嘞!" 果然寫得幾靚喎, 唔知班主任Ms Ngai用左咩方法令我寫字充滿自信, 真係要多謝老師.
