親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
堤堤媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
第2次幫堤堤b沖涼 依然好驚青 今日除哂衫仔預備去沖la 竟然連水都未開 好攪笑! 醫院沖涼的位好細 唔小心撞左堤堤b個頭仔去"升"盆度 bumb一聲, 心痛死我 如果比daddy見到實有排"o我"呀! Milk: 50ml/3hrs (7 times per day) Weight: 2.555kg
我一天一天長大 戴上漂亮帽仔後已經女仔左好多 明明眼大大, 唔張大時都咀仔細細痳 只係有點古靈精怪, 有時無聊起來扮o下鬼臉 竟然愈來愈多人話我似Daddy 今日美玲姑娘路經探我時看看mami為我拍的照片 一時話我似鸚鵡 因為咀仔尖尖的連mami聽後都覺得有點相似 一時又話我似足Daddy個樣 似Daddy?! 我大個女都唔方靚女得去邊la 嗚~~嗚~~ Milk: 50ml/3hrs Weight: 2.45kg
堤堤b今天轉了睡嬰兒床仔 不再睡在暖箱似乎有點不習慣 只見佢不停郁身郁細, 周身唔自在咁 又成日伸”利”出來玩 真係十分攪笑 美賢姑娘一見我便對我說..... (我怕bb小氣, =#) 好開心, 終於等到了這一天了 但佢不斷咁提醒我要注意的地方 攪到我好緊張, 好緊張... 不過一諗到屋企好多野都未準備好 有點擔心呢!! Milk: 50ml/3hrs (8 times per day before; 7 times per day from today) (S24 before; Gold S26 from today) Weight: 2.47kg
原來醫生只係比堤堤b食35ml/3hrs奶 一到醫院的第一件事是看bb 第二件事一定是看體重和食幾多奶 琴日以為醫生加左奶比堤堤b 今日姑娘才說 其實堤堤b今日應該仍然食35ml/3hrs 只係佢食奶的速度好快 通常會食到剎唔到制 於是食到過哂loon 真係不知好嬲定好笑 Milk: 40ml/3hrs Weight: 2.425kg
曦曦由發現有小腸氣至話做手術至做完 在B房一星期至如今又回來B房 不過是幾星期的事 今日才驚覺堤堤B小腸氣的問題醫生好像很久沒有提起了 Daddy今晚趁高妹何醫生路經找了她來問 才知道原來堤堤b的小腸氣問題竟然又.... 初步睇竟又不藥而癒! 堤堤b...妳真係不斷帶給Daddy Mami無限驚喜! 另外今日亦做了腦掃瞄 比起上次, 今次依然沒壞變化 只要keep stable 醫生說最高危的時間已經渡過了 又過了兩關, 堤堤b, 妳不要懶惰, 要加倍努力呀!! Milk: 40ml/3hrs Weight: 2.34kg
堤堤b今日由每3小時餵一次奶轉為每2小時一次 最感安慰及開心的是 每個餵過她的姑娘呀姐總會讚她食得好叻又快 姑娘仲話佢好多時食得太快剎唔到制而食多左tim 渣斗王起碼都有一樣野可以自豪了! 自從搬了來A房, 堤堤B睡得多了 比起那時, 每次去到探佢總是眼仔碌碌周圍望 依家好多時都是入睡了 可能因為咁磅數增加得十分滿意 今日佢竟然比我一邊郁來郁去剪指甲 依然可以熟睡 真係要比多個叻佢呀! Milk: 35ml/2hrs Weight: 2.33kg
今日謄粗粗幫堤堤b沖涼 全程佢都算好合作 我雖然都有少少雞手鴨腳 不過都總算合格吧! 我仲同堤堤b著左第一件買比佢的衫仔tim呀 bb一天一天長大 現在和一個正常足月的bb已經相差無幾 不過, 我覺得堤堤b這些早產嬰特別老積 好多表情動作都特別古靈精怪 今日同佢玩搖到外婆橋時 一搖佢, 佢便做個o型咀, 十分可愛 而且堤堤b今日又會喊喊來lur我抱 一到差不多夠鐘食奶便大會大哭 連眼淚都滴埋出來, 雖然好可憐 但我卻覺得佢好可愛呢 不過今日堤堤b屁股仔紅哂 要爬係度照燈燈, 雖然想到佢屁股仔損左 但見佢瞓到好lum咁, 又覺得佢好得意 作為媽媽, bb的一擧一動都十分可愛 Milk: 23ml/2 hrs
媽咪今日一早便來到醫院為了學點同我沖涼 星期六都冇得瞓晏D都係為左來睇我 為左報答佢, 我全程都好合作 冇好似平時咁周身郁冇時停 雖然都仍然有D驚, 成身震震O下 但都總算順利 媽咪見都唔係咁難姐 謄粗粗話明天要來幫我沖喎 真係祝我好運了, 希望唔會浸左我入水la 媽咪第一次見我沖完涼個樣 佢話覺我我好干淨, 望落仲好似靚女左好多喎 於是不停咁同我影相 抱住我又不停同我傾計 我未識講野, 唯有眼定定望住佢扮明佢講mug 由於我好叻食奶, 而且未夠鐘已經喊生哂想食奶 媽咪知道我可能唔夠飽, 襯醫生巡房時問會唔會再加奶 點知醫生話我一星期重左成200gm, 重得太快喎 驚我水腫唔敢加奶比我呀 Milk: 24ml/2 hrs Weight: 2.28kg
去到醫院至知原來堤堤B今日已經開始轉為每2小時食一次奶 而且今日都冇比姑娘抽番奶奶出來 由於開始全用奶樽食 今日連胃喉都拔走埋 終於清清楚楚睇到BB全相了 希望以後都唔駛再挿胃喉la 今日姑娘比奶奶我餵堤堤b 姑娘轉頭看我餒成點便已經餒完 連姑娘都大讚堤堤b食得好叻呢! 我就梗係開心得很la Milk: 22ml/2hr Weight: 2.205kg
2.23kg
堤堤b今日好乖定好累呢, 只見佢好好瞓 所以今晚早左走, 因為真係好累好累 Milk: 13ml/hr (食5停1) Weight: 2.2kg
今日再驗眼仔, 又pass la, 好野! Milk: 13ml/hr; 食5次停1次 Weight: 2.14kg
13ml/hr 2.095kg
登..登...登......鄧 daddy今日終於鼓起勇氣第一次抱我la 佢好緊張, 成日驚跌親我 攪到連我都緊張埋...咪埋眼唔敢望 比媽咪拍了兩張相便比番媽咪抱了 今日是Deborah姑娘當值 佢是一個十分之好的姑娘 還當了攝影師, 教我們擺post 終於把我做成一條臘腸卷放在媽咪daddy"博"頭來拍 原來咁樣不會把我影得太迷你呢! 雖然姑娘投術痳痳仲手震, 不過張相mami十分喜歡呀! Milk: 12ml/hr Weight: 2.06kg
堤堤b的指甲長得好快 而且仲好尖,比佢界到我好痛呢! 今日的起心肝, 幫佢剪 好緊張呀, 好驚剪到佢d手指仔 幸好佢好好合作, 冇亂郁, 任務好快完成 終於沖波2kg大關 為左獎勵堤堤b 除了餵了兩餐奶咀 仲唱歌仔比佢聽 唔知佢係咪真係知媽咪唱歌比佢聽呢 抱住佢時成日都笑 仲要笑得好甜, 真係比佢tum死我 Milk: 12ml/hr Weight: 2.02kg
自從升左班 覺得堤堤b瞓覺乖左 可能呢邊冇b房果邊咁人來人往吧 而且燈光暗暗的 又是單邊位 所以堤堤b成日向牆瞓 都好, 希望瞓多d肥快d la Milk: 12ml/hr Weight: unknown
今天姑娘幫我著左件袍仔 雖然只是醫院的白色袍仔一件 而且就算係醫院的迷你size對我來講都好鬆 但媽咪Daddy見到就好開心, 覺得我好得意喎 不過都好, 起碼唔駛比窗外面d路人成日”及”到我露點^_^ 今日食奶唔係好乖, 分別比姑娘抽番8ml, 2ml 同5ml出來 令媽咪Daddy有d擔心我tim 不過心口果2撻皮膚敏感今日無咁紅好番好多 Milk: 12ml/hr Weight: 1.945kg * 停去水藥
堤堤b本來應該今天才出世 幸好剛好趕得及昨天升了班 而且總算已經有4磅了 雖然距離出院可能還有好長的一段路 但已經心感無限安慰 回想起來亦感觸良多 原來早產嬰生命力頑強並非虛言 看到堤堤b一關又一關的跨過 忍不住要對堤堤b說: "媽媽爸爸以你為榮呀!" Milk: 12ml/hr Weight: 1.93kg * 心口有2撻皮膚敏感紅哂要搽藥膏>.
今日終於升左班再同曦曦同房la 好開心興奮, 不停周圍望o下新環境新朋友仔 更開心架當然係Daddy媽咪la! Milk: 12ml/hr Weight: unknown * 停紅梅素藥(助腸蠕動&便便)
依家次次媽咪來到都會起碼用奶樽餵我一次食奶 呢個係我架happy moment 因為可以從箱仔走出來睇o下呢個花花世界 雖然只係在病房裡面 但我都會好好奇咁碌大雙眼四圍望 可能開始大個女了 都唔再安於成日住在小小的箱仔內 對手仔會成日周圍想搵d野來揸住 又會好快手咁拉左條胃喉出來, 要姑娘又幫我挿過 佢地會用張被仔捲住我等我冇得周圍攪 媽咪話我好似一隻獵腸卷 今日我又比姑娘捲住 我襯媽咪一來到就緊係扮到好可憐咁o既樣la 媽咪真係中左我計, 即刻便幫我鬆開 我好快就拉左條胃喉出來, 真係舒服哂!! Milk: 12ml/hr Weight: 1.81kg
琴日食完奶, 但又比姑娘抽番成10ml出來 累媽咪比daddy"我", 話唔好用奶樽餵奶 今日唯有努力多d, 唔係分分鐘daddy嚴禁我再食奶樽呀 milk: 12ml/hr weight: 1.78kg
今日終於影左一家三口第一張全家福, 好happy呀! 不過Daddy始終唔敢抱堤堤b, 真係冇d用呀 今日第一次見堤堤b食手指 仲識得捉住我隻手指放入口仔tim呀 不過堤堤b愈來愈大個女 依家愈來愈唔安於靜靜在箱仔內瞓覺 成日郁身郁勢喊到大大聲樓人抱 在箱仔入面唔肯瞓要我抱先肯瞓 bb, 媽咪仲未可以成日抱妳架 你都未夠"稱"! Milk: 12ml Weight: 1.775kg 肚脹: 1"十"
今日媽咪一來到便急不及待叫姑娘比佢抱我餵奶 為左tum媽咪開心, 我好努力食呀食 唔駛幾o下已經食哂, 11ml真係唔夠我磁呀"la" 食左2餐Daddy都未來, 姑娘又唔比媽咪再餵我 怕我自己食得太多餐\"side"左d力唔長肉喎 好失望呀, Daddy都未欣賞過 好彩今日同Daddy影左我地架第一張合照 不過係一個在箱仔外面一個在箱仔裡面 Milk: 11ml/hr Weight: 1.74kg 肚脹: 1個"十"
還以為堤堤b未嘗試過用奶樽食奶 姑娘今日話我知原來佢已經試過 好明顯姑娘比佢自己食奶的機會愈來愈多 相信是時候訓練佢慢慢減用胃喉 今日我第一次用奶瓶樽堤堤b 佢真係好叻, 食得好快, 真係一滴都冇漏出來 抱住佢, 好開心, 因為佢真係大個左好多 抱左一小時, 手都有少少累 希望堤堤b出院的日子快到! Milk: 11ml/hr Weight: 1.75kg 肚脹: 2"十"
Daddy真係好掛住我.... 今日天氣終於開始轉涼 一早五點幾, 天都未光, Daddy起身去梳洗 好好笑, 媽咪一時間以為Daddy夢遊 原來, Daddy今日要出差上大陸 佢又唔捨得唔來探我 竟然天未光就來醫院睇我 而我雖然好感動 但sorry呀Daddy, 我真係太眼瞓了 對眼仔唔聽話, 不受控制 眼尾都冇望過你tim ^^ 不過為左報答你, 我今日好乖 努力之下, 黑雞meet 甩左, 我大隻左 媽咪餵我食奶我又好快食哂 我係咪可以獎多一個"叻"呀?! Milk: 11ml/hr Weight: 1.77kg 肚脹: 2個"十"
今日再驗眼仔, 繼續好轉 不過醫生都仲係有保留? 定係好穩陣呢? 下星期仍要繼續跟進 另外今日幫腸腸照了造影x-ray 冇事呀! 好野! 10ml/hr已經是full feed 原本以為今晚可以拔走隻黑雞 點知堤堤b今晚8點竟又抽番8ml奶出來 希望今晚唔會再抽到奶出來la 唔係都唔知幾時至可以甩到隻雞呀! Milk: 10ml/hr + 吊黑雞 Weight: 1.71kg 肚仔: 2個"加"
好開心今日收到一個朋友仔的來信 不知怎說, 和她見面不多, 卻有莫名的感情 在過去一段日子, 曾經拒絕過好多朋友的慰問 也做不到主動去將內心的傷痛隨便向朋友流露 怕會忍不住傷心痛哭, 令關心我的人更擔心 也懶得向不交心的朋友交待, 換來例行公事般的慰問 所以好怕令一些我重視的朋友誤會 等了一段日子 終於知道這位好朋友沒有生我氣 而且對我和bb都愛護有加 真是很高興! 希望她都會經常上來逛逛!
9號仔曦曦升班了 曦曦, 君君和堤堤b被我們幾名父母稱之為"串燒三姊妹" 三位"美女"都是不足三十週便搶閘出世的頑皮豬 8號仔君君是早堤堤b10天出世的大家姐 曦曦是遲一星期出生的小妹 君君最叻, 早已經升班轉了去非深切的ICU A房 一兩星期內應該可以回家 連曦曦今天都升班了 本來一早有了心理準備 事實上佢地兩個情況比堤堤b好得多 但, 若說心裡沒有酸溜溜的是騙人 而且同曦曦媽咪亙相扶持了差不多三個月 天天見面, 探BB之餘都有個伴傾傾計說說笑 時間過得很快亦很愉快 不過每次見到有bb出院或升班 除了羨慕加少許妒忌, 總想表達無限的祝福 面熟的便會由衷說聲: "恭喜, 祝bb身體健康!" 何況是堤堤b的好姊妹呢! 曦曦, ee祝你早日出院回家 堤堤b說會努力很快追上來 出院後一起去玩呀!! ************** 堤堤b唔知係咪知道曦曦升了班呢 竟然悶悶不樂的, 沒精打采了差不多有大半小時 幸好睡過一覺之後再展歡顏, 而且仲笑得好甜呢! Milk: 9ml/hr + 吊黑雞 Weight: 1.68kg 肚脹: 一個"加"
今日去了兩次醫院 上午同堤堤b表演餵奶和食奶比Daddy睇 堤堤b和我已經在昨天rehersal過 今天表演當然可以一take過la 連Daddy見到都好開心幫我地拍左video 不過我地走左之後 bb唔乖呀, 有兩次分別抽到7ml & 2ml 奶出來消化唔到 於是又比姑娘停了一次奶 幸好肚仔今日都維持在一個"十"沒有番脹到 而且仲大了幾次大便 今晚買了個X'mas Kitty音樂閃燈公仔比堤堤b 是代表每次跨過一個難關而送bb的一個"叻" 直至今天已經有三個"叻"了 希望在五個"叻"之前可以出院返屋企la Milk: 8ml/hr + 吊黑雞 Weight: 1.64kg 肚脹: 十ve
有些姑娘好好人, 有時間總會比我試用咀仔食奶 一來知我鐘意自己食, 二來又可以訓練我吞奶 但有些姑娘嫌煩吧, 都寧願我用胃喉食 襯Daddy未來, 媽咪要求姑娘比佢餵奶 Daddy總怕媽咪唔識餵會把我濁親 今日媽咪終於親手第一次餵我 我好開心呀, 7ml奶好快就順順利利食哂 媽咪一停手比我休息, 我就停口喘幾o下氣然後又食過 一滴都冇漏, 姑娘們都讚我叻 雖然我d腸腸排毒唔叻 食奶呢, 我就真係頂瓜瓜了 媽咪仲識得幫我掃背背, 都幾舒服 而且今日肚仔都冇番脹到 媽咪好錫我, 成日幫我心口仔同肚腩仔按摩 好嘆呀, 仲興奮到唔捨得瞓tim 今日真係happy la! Milk: 7ml/hr + 吊黑雞 Weight: 1.57kg