擒日已經收過電話，話會今早9-11早上，送貨黎，但係無諗過真係咁早！
9：38am 手提電話響，我由夢中嚇醒，即時聽電話，原來係送貨黎，九秒九飛出去開門，又飛返房，粟米爸出廳搞掂！當時眼都仲未適應d光啊！真係估唔到咁早送黎！
醒左當然訓唔返啦！ 唯有開始執房！
收到木床，床單被鋪同床鈴！
將客房既物品移晒去廳，將床仔放返入房先，當然都開紙皮望下係咪我要個張床啦，因為個陣職員話無貨，仲要得返dsiplay,為免我到時買唔切，所以都照要！
一打開，咦？！ 之前個display床邊有一忽崩左，但係呢張無喎，另一塊都無，仲要係新既添喎，因為包裝得非常好，仲有陣焗漆味！太好了，係新床，雖然唔介意display,仲諗可以唔洗早d 砌，因為唔洗散味，不過依家有新既仲開心，不過就要早少少砌，散下味！
是日度肚： 37寸 （26w3d)
