話咁快就仲有80日由三位數跳去兩位數!!!
不知不覺原來佢都係我個肚入面生存左200日啦喎!!
其實跟個時間表我就係應該要去準備定走佬袋既,不過呢...我事實又真係未執好客房,都仲係一片混亂!!依家都係用愚公移山既方法,每日執d搬d咁!!
希望9月可以執好晒間房,之後準備走佬袋同埋開始都要洗粟米d衫仔了!!
倒80日既心情係...無咩特別,係粟米近排郁得多左,而且佢有d手腳會頂出黎,但係又未至於好似d人咁會望到成隻腳形咁個隻!!
飲茶細姨終於摸到粟米仔郁,佢就非常興奮,仲想粟米快d出黎同佢玩添!!睇黎就比我開心同緊張!!
有時係到諗,不如佢唔好出世哈哈,留返係肚入面!!不過唔出世點會見到佢呢!!日日都陀住又好重下既哈哈!!
80倒數
