終於等到新型號既無反相機,之前GX1已經想買,但係因為都出左一排所以都係忍下手,等佢出新型號先出手!!
上個月見日本YODOBASHI有講出GX7,開頭睇仲要未訓醒咁以為係LX7啦,但係又覺得好似有眼花,諗左陣,望清楚先搞清係GX7,日本個邊9月12會有得發售!!個時香港都仲未公佈!!
上星期好友通知香港都就快有得買,哇真係好開心呀!!可以買黎同粟米影相啦又或者影自己大肚啦!!好友仲通知我有得訂機,即時梗係回覆訂機啦!!
估唔到咁快就有機拎,仲要中秋節有得拎添喎,好少咁快有貨拎,是日早收去拎相機,再去買返D保護貼同保護鏡!!!
原本...想話去維園試機,但係去買完部機既野之後,背脊真係頂唔順,所以搭車返屋企休息,粟米爸問我出去邊到食,但係其實我為左等相機遲左食午飯,仲係飽唔想食!!
結果成晚都無出去,仲好難得粟米爸下廚煮天使麵,仲落左D煙三文魚,我又可以訓陣,起身之後再食!!
GX7
