原本諗住產檢完返工,點知....產檢完都3點,食埋午飯都4點,再要幫老豆過數去銀行排隊結果4點半!!一.一"唯有唔返公司,直接去一田買野啦!!
今日一田BB展第一日,荃灣唔係太多人,都幾好行,唔知係未放工丫定係新得濟哈哈!!
其實目標都係買個浴盆同埋買多一套BB床上用品!!
一田D BB野減價唔算抵!!買唔多野!!都係吉之島特價抵D!!
BB床上用品個間無折,但係阿姐話可以入會,入左會就會有八折,我問幾多錢先入到會,佢話 300蚊!!化...三百蚊就入到會,咁咪好抵!!
結果買左一SET大人加大被袋$399,做會員,之後再買床單枕袋 + BB 床上用品SET!!!BB SET原本要 $999依家折左$799抵好多!!再加多個枕頭仔(返屋企先知其實可以唔洗買因為個SET野入面係包左哈哈,唯有當後備啦!!)
之後買左4枝BB沖涼$99蚊/2枝,浴盆$380!!
俾錢個陣,個小姐竟然唔記得幫我地扣50蚊現金卷!!一.一" 不過都好彩佢記得俾返張現金卷我地,就未至於雙失....!!
張50蚊唯有去超市睇下有咩買,結果買左一兜切好既芒果,兩枝飲品,再加一包拉麵!!哈哈!!