早前健康院姑娘幫我book左餵人奶講座，所以都去聽下啦，始終網上睇人地講都好似係姑娘講解咁實在！
2：30pm開始，原來都要4：00pm先完架喎！
有powerpoint 同 片睇，都幾好，了解到餵人奶既真正方法，嬰兒吸啜既位置，餵人奶既姿勢，睇表情分辨嬰兒是否肚餓，唔好等佢發晒脾氣先餵！
點樣按摩乳房，點樣人手泵奶等等！
其實睇到片中見到該媽媽既乳頭真係有少少核突既感覺，乳頭好似硬左咁，真係有少少接受唔到！偉大既媽媽真係唔易做！
聽完好似明白左， 但係實戰又唔知自己係咪真係做到！
怕既主要驚無奶，乳頭損同谷奶，呢幾樣真係最驚暫時！
原來真係有d食物會令奶水少，即係話餵人奶要戒口！例如： 乳鴿，豬潤
咁真係要睇清楚邊款食物會收奶水先得了•••••
聽下睇下話咁快就3：45pm比預期既快！
仲有幾張紙俾我地返去睇添！
