36W了,即係話已經有9個月啦!!哈哈!仲有4週出世!!
聽日同後日都要產檢,粟米爸擒日上左大陸,所以今早自己影自己啦唯有,好衰唔衰忘記較光圈,唔怪之D相張張都暗左,不過用程式較一較好似好D,都唔係太差啦!!
今日個肚有 97.5CM 即係約38寸半,但係今早見到有個媽媽同我相差一日,佢有成42寸肚,咁樣相比起黎,我個肚又真係細左D喎,細人地4寸!!
前晚同FD去完街,去買野個陣,遇到細菌小子(有口氣既女人),夜晚已經開始有D覺唔多妥,擒日起身已經作病,夜晚又流鼻水,返到屋企訓左陣,九點半起身落街食個粉麵,之後睇電視沖涼!!
一.一發現樓上依家有滴水,又話關左水制,點解仲有水滴既呢!!!
結果夜晚個鼻都唔知想點咁,搽白花油通下鼻塞,但係結果都係訓唔到,諗諗下都係食個FD俾我既傷風藥,輕微性既,收左我D鼻水!!慢慢開始訓返!!
今早唔太想起身,公司有野要搞都係起身啦,一早起身影下自己依家個衰樣!!
一.一突然聽到樓上鑽野,又話今個星期唔開工既,樓上又偷偷開工又唔通知管理處,咁係咪可以告佢既呢????
唉...因為太嘈都係快快出門口!!!去買早餐,又流鼻水+眼水!!我要快D好返啦!!
返到公司訓左兩粒鐘!!暫時好返DD!!唉....!!
36W
36W的肚子
36W的我
