由無陪月幫手開始，粟米就習慣左夜晚先沖涼，每晚10：30就沖涼，好多人都話夜，對於我黎講只係就返我地生活習慣既時間啫！
繼定時沖涼後，我都開始定時地餵奶，目的係想自己輕鬆d，唔洗半夜起身餵奶咁累！
慢慢地變成沖完涼後，飲奶，睡覺！
近呢星期，粟米每次沖完涼，就會開始咀郁郁，啜啜下！即係表示佢已經知道同習慣左，沖完涼就有得飲奶，但係月訓覺依然未意識到！
今晚唔知係佢累定係乖左，沖完涼飲奶之後，佢竟然識得示意（唔想我抱）放佢落bb籃，之後要奶咀，就乖乖地自己訓，當然都有扭一陣，但係佢扭既原因係要我關門（因為客廳有光）！唔洗一陣就訓左(((o(*ﾟ▽ﾟ*)o)))
佢究竟係被訓練到咁，定係咁岩得咁橋？
