又帶粟米去影相,今次挑戰遠D,影既原因係平!! $488 包晒所有相!! 要去到屯門到影!!
BOOK左3點,去荃灣搭巴士去屯門!!點知想搭個架巴士岩岩走左,唯有搭另一架去屯門市中心既先!!
去到屯門市中心,我食個下午茶,再打的去影相個到!!
今次個攝影師係男性!!場地好混亂,因為俾上一手個小朋友搞到一地都係波波!!
揀左三個造型 - 1) 復活節 2)足球 3)籃
呢位叔叔都好有心機,不過功力就唔夠上次個攝影師姐姐勁,仲有D背景都係上次姐姐整得靚D!!
呢間有衫提供,當然我都有帶定幾套衫俾粟米啦!!!最後只係足球衫岩用!!
係影最後個造型,唔著衫訓籃個陣!!因為個籃係月亮咁既型,我又企得唔太近,攝影師有叫我睇住粟米,但係我驚我會阻到佢,又唔敢太近!!粟米郁來郁去,結果....佢終於跌左落地!!喊到拆天!!攝影師仲講對唔住!!其實我覺得跌下無咩野啫哈哈,感覺係攝影師比我心痛!!喊一陣咪無事囉!!不過可能攝影師覺得好內疚都唔定!!
等粟米喊完,攝影師問我仲影唔影補多幾張,我當然試下睇下粟米肯唔肯先啦!一放佢去個籃即喊!!唯有收工啦!!哈哈!
呢個無得即時睇相,一至兩星期到會EMAIL條LINK俾我,之後會寄隻CD俾我!!
咁又影左一輯相!!!
