多左人同我講"你BB好得意呀,妹妹你好得意呀!"
就算幫粟米著住粉藍色衫都好,依然都係有人叫佢妹妹!!
今日帶粟米去媽媽會拎野,搭巴士出佐敦!
隔離阿婆問我粟米幾大,男仔定女仔, 我答佢 5個半月大,男仔!
阿婆就好驚訝咁講"下? 男仔黎架?? 我以為佢女仔黎架,佢D頭髮咁長,對眼又女仔,個咀又女仔,仲以為佢係女仔添!"
終於婆婆解開我既迷,原來外面既人睇BB,好多都係睇頭髮,頭髮長都係一個原因!!諗諗下都係喎,女1仔先會俾人留頭髮,男仔多數剃光頭哈哈!
有時係街睇D BB又真係好多BB都無咩頭髮會被認為係男仔,就算著左裙仔,無咩頭髮都好男仔樣!!
不過我都打算係粟米半歲大個陣幫佢剃光佢,等佢D頭髮再生過,依家D頭髮一忽忽咁好樣衰,因為佢訓覺磨下,加上手仔得閒又搞下,自己又甩下咁,一達達咁!!
到時剃左應該唔會有人叫佢妹妹掛?哈哈