見D媽媽問有冇人有興趣影CAKE SMASH,見唔係貴,幾百蚊就走去影下啦,當然試影,因為我已經幫粟米BOOK左1歲個陣影返個貴少少既CAKE SMASH相!!
去到其實覺得間野....麻麻因為好亂,無之前影個D咁整齊,仲要有好多個人!!
先黎影全家幅,再黎影唔著衫既,加埋蛋糕!!
未影前估粟米會係一個破壞王,蛋糕應該都無得剩,點知到真係俾個蛋糕佢任玩個陣,佢反而唔係好整個蛋糕,只係拎左面個D綿花糖黎搾,仲要係好用力添,雖然有玩CREAM,不過都係陣,個蛋糕都仲叫做完整!!真係估唔到佢無我想像中咁暴力哈哈!
影完要等一陣,等揀相!!因為好多都對唔到焦,所以我好難揀到相!!
要揀28張,我第一輪揀得14張,哥仔叫我揀多D,第二次我都係揀左岩岩好28張!!仲要有D相係加埋同個FD個女影先夠!!
哥仔仲話如果揀多一張就50蚊, 10張 400, 全要700!!
老實講影成咁無可能要我俾700要晒囉!!連粟米爸都覺得我好奇,今次唔會要晒D相!!
我唔知係咪同學過影相有關,但係呢輯真係好多OUT FOUCUS,真係揀唔落喎!!
最後都係揀多左一張!!(因為有埋同個FD個女D合照先多一張)!!最後 29張走人!!
好彩呢輯我都預左係俾粟米試下影呢D,唔係認真,都預佢影得靚!!
PS:揀相個陣好熱,原來有第二D媽媽影相,見小朋友除衫,要人關細冷氣,唔怪之熱到PK!!個到有成十幾人係到,仲要得一部3/4既冷氣!!一.一 究竟係我太唔在意粟米仔,定係人地太緊張 ???
