是日有親子操,第一次JOIN呢D野,唔知係點!!
首先都係要送左粟米返左學校先,之後家長係門口等,等學校夠鐘,安排好晒小朋友企係邊先,再俾家長入去!!
行去自己小朋友身邊,當粟米見到我時,有D迷惘之後轉變開心!!
首先都係祈禱,念經,唱聖詩,當粟米望住我以為我唔識唱個陣,我已經唱緊啦哈哈!!
原來佢地竟然有首德貞幼稚園歌,唔係校歌,呢個我真係唔識啦,仲要普通話喎!!
真係唔知佢幾時學識唱呢首歌!!
之後當然係做親子操,不過我覺得其實親子操只係你做你我做我!!
所謂既親子操原來係好幾年前,成日係放學ICU見到個隻"活力健康操",個陣仲笑低B,依家竟然要做呢D低B操!!
其實粟米有D動作都唔算做到,不過見佢好努力咁跟住做都幾好笑架!!
玩完就要走,粟米差D想跟埋我走,我叫佢向前行去老師個邊!!
粟米都好乖咁照行去老師到!!
其實眼見有D小朋友無父母陪,佢地期昐個樣真係有D寂寞既感覺!!人有我無既感覺又真係唔係幾好既!!
事後原來老師都會打俾D家長,叫家長盡量抽時間陪一陪小朋友做親子操!
就係咁...終於知咩係親子操了....!!