我係一個極少打去學校問野既家長,除左打去請病假,其實都真係無打去問過粟米係學校既情況!!
咁岩今日親子操,排第二個,班主任今日負責帶大家做親子操,未開始時,粟米扭身扭勢,我同佢講梁老師望住你啦!!粟米就企定定!!
老師就係咁突然笑住同我講話粟米好搞笑,老師話粟米驚既時候會傻笑,例如玩遊戲,小紅帽同大野狼咁,問佢出唔出黎玩,佢係有舉手,到叫佢出去玩時,佢又話唔好,仲傻笑,之後就會講"其實我好驚"!笑到老師死!!
我同老師講,佢有時聽到某D危險既情節,佢就會好驚!!
老師話覺得佢好好笑,一驚唔喊唔扭係傻笑!!
估唔到粟米係學校係一個傻仔一名!!哈哈!!