[left1]婆婆話我今朝咳咳呀, 媽咪放工返黎就帶咗我去睇醫生. 但媽咪一路行一路話點解我冇咳咳既?
輪到我見醫生喇, 一入去我見到醫生就對住佢笑, 好野呀, 醫生讚我叻叻! 根住有個護士姊姊入黎, 佢望我, 我咪又對住佢笑囉. 哈! 點知媽咪話我係擦鞋仔, 又話我現實, 人地望住我至笑, 唔望呢就即刻唔笑. 嘻, 呢D叫做"識撈", 佢都唔識既...
睇完醫生返到屋企, 媽咪就同婆婆講我冇事, 醫生話我一切正常, 冇咳, 冇痰, 總之冇事啦! 婆婆話唔係, 話我今朝真係咳咳架, 我費事佢地嘈, 我咪即刻咳兩聲囉. 哈! 媽咪居然話我炸咳, 佢都唔領我情既, 我嬲!!
唔知有冇生日禮物呢?
