今日婆婆同公公去咗飲喜酒, 爸爸,媽咪,舅父同工人姨姨帶埋我去街街食晚飯. 食完飯返到屋企, 我突然將爸爸隻拖鞋拋去遠處, 爸爸叫我去執番, 我唔去, 仲即刻爬上sofa到俟住媽咪. 媽咪同爸爸一齊指住隻拖鞋要我執, 我唔執, 仲學佢地一齊指住隻拖鞋. 爸爸話我曳曳之後自己去執番隻拖鞋. 我見危機已過, 未爬落地玩囉. 吓! 唔知點解隻拖鞋又响原位(一定係爸爸放既), 佢地又叫我去執, 我一於少理, 即刻又爬上sofa. 爸爸跟住又自己去執番隻鞋. 我諗咗一陣, 又爬落地玩. 吓! 點知隻拖鞋又係原位, 好似電視replay 又replay咁....不過我都係一樣唔執, 仲走咗去瞓覺, 真係曳曳.....
