今日爸爸媽咪帶我去啟思幼兒園面試呀, 為咗令我唔好咁緊張, 我地首先去咗公園打鞦鞦先, relax過後, 我地就出發行去幼兒園嘞.
嘩! 個到好多人呀, 又好多BB, 真係混亂. 報到完後, 我地去咗其中一個班房, 入面又係好多人架. 我地就搵咗張枱坐好, 枱上面有好多玩具, 仲有蘋果同橙橙添. 冇耐有位姊姊走過來, 佢好nice呀, 仲同我一齊玩. 跟住, 佢叫我攞隻橙橙俾爸爸, 咁我未聽佢話攞咗個橙俾爸爸. 之後, 佢又叫我攞隻蘋果俾媽咪, 我又照做, 好野呀, 姊姊讚我叻叻!! 雖然佢之後問我隻眼眼同咀咀响邊, 我唔答佢, 但佢攞住個公仔問我公仔隻眼眼同咀咀响邊, 我有指俾佢睇架, 仲指得啱添, 所以媽咪又讚我叻叻. 但到咗要我張不同形狀既積木按其形狀入落個盒到時, 因為我真係唔識, 所以我惟有打開盒蓋,張D積木放入去!!
我覺得我已經盡咗我既全力去做到最好, 而爸爸亦都話我表現好好, 所以考唔考到都冇所謂了, 因為已經盡咗力喎.
