今日媽媽一大早就同我和姐姐去街街, 原來第一站係健康院. 一入房姑娘就俾玩具我玩, 都係積木咁啦, 跟住佢居然攞咗個玩具公仔出黎, 要我幫佢梳頭. 但係個公仔實在太恐怖, 我驚到伏落媽咪到, 好彩姑娘立即攞走佢, 唔係我實喊啫. 媽咪同姑娘係咁傾計, 我悶悶地就攞把梳自己梳頭囉, 原來梳頭都好容易啫....
我聽到媽咪問姑娘我係未咩活躍喎, 姑娘話我咁乖坐响到緊係唔係活躍啦. 媽咪又問我點解唔識講野喎, 姑娘反問媽咪我識講咩, 媽咪就話"媽媽, 爸爸, 婆婆, 公公, 亞鐵(即地下鐵), 飽飽, 貓貓, 花花, 燈燈, 白白(即白白豬), mum mum(即食野), ro ro(即狗狗), 波波, 打打, 曳曳....... 姑娘話識講咁多字已經叫合格嘞, 所以媽咪唔使咁驚嘞!
好野, 去完健康院就去咗小南灣食野, 唉! 好景不常, 嘆完碗粉之後就去咗醫生到打針. 一如以往, 又係喊住咁入去, 喊住咁出黎....wuwuwuwu