今日下午開始, 個頭仔開始熱起來, 到了六點都一樣冇退過. 婆婆於是叫姐姐帶我去登記睇醫生(因為我喊住要去), 點知在電梯口見到媽媽, 我即刻開心到笑咗出黎.
登記完後, 媽媽帶我地去行超市. 由於已是食飯時間, 超市人流稀疏, 我又可以坐bb專用坐駕. 可能媽媽見我病病好可憐啦, 所以買咗熊仔餅和m&m俾我.
跟住, 我地又返去診所到, 我入到去又有不祥預感, 所以以9秒9既速度衝出去. 當然, 話咁快就俾姐姐捉住, 媽媽為了安撫我便開朱古力俾我食. 但食咗幾粒後就聽到有人叫我個名, 姐姐就帶咗我入房了. 嘩! 我真係好驚呀, 個醫生哥哥都唔知想做咩, 咁我未聽媽媽話請他食m&m囉, 但好可惜, 佢食咗我粒m&m之後, 又探熱, 又聽筒, 又睇喉嚨, 唉! 我都喊到冇聲嗱.
睇完醫生返到屋企, 飯都冇胃口食, 白白豬完, 食埋藥水, 連同事三分親都未趕得及睇, 已經在媽媽懷中瞓著咗......zzzzzzz
