今日係第一日試學日, 媽咪放假陪我返學.
一返到班房, 我就即刻走去攞玩具玩, 但冇耐就聽到"叮叮"聲. 原來老師話聽到"叮叮"聽, 就要幫手收執玩具. 好啦, 唯有放好D玩具啦!
跟住媽咪拖住我一步一步咁行去隔離房, 一路行, 老師就一路唱"一步一步..."歌. 入到去圍圈坐底後, 老師開始講故事, 有兔仔啦, 猫猫啦, 紅蘿蔔....., 不過我都唔知佢講咩, 因為D小朋友成日走來走去, 聽唔到老師講故事. 好彩最後可以同兔仔握握手.
之後我地又一步一步行去洗手間, 我唔肯"咮咮", 洗完手就算. 跟住行去大禮堂, 嘩! 仲多玩具呀. 有滑梯, 車車, 廚房, 馬馬.....勁! 我玩哂所有野, 仲揸咗三次車車添.
之後又一步一步行去洗手間洗手, 跟住返班房食茶點. 今日既茶點係蛋糕, 我仲請埋媽咪食添.
食完茶點之後, 媽咪唔見咗, 可能去洗手間啦, 咁我未自己玩玩具囉. 但有D小朋友係到喊, 好嘈呀. 冇耐, D大人又出現番, 帶D小朋友走. 媽咪亦都返來帶我走, 我仲唔記得攞書包添, 好彩老師幫我攞, thank you miss.