今日係第二日返學, 媽咪又放假陪我呀.
今早好好彩, 入到一架少人既車, 我同媽咪都有位坐. 去到九龍塘依舊轉小巴到學校.
返到學校, 洗完手手又可以玩玩具. 音樂响起後, 我地又要放好玩具, 跟住坐下聽老師指示. 老師表示西瓜組同學可以先到禮堂玩遊戲, 於是我地就排隊去禮堂. 呀, 原來係玩運波波遊戲, 玩法係我同媽咪用絲巾將波波運到對面交俾另一小朋友, 小朋友同佢媽咪又要將波波用絲巾運回來. 我地分為兩組, 每組四對人. 我同媽咪來回咗四次, 都幾好玩既.
排洗之後, 我地又可以食茶點, 今日既茶點係蛋糕仔同提子. hoho, 真的有提子, 不過我只係食咗一粒, 餘下兩粒冇食到.
其實昨日老師幫我同媽咪影了一張合照, 今日老師派番俾我地, 仲俾多一隻紙碟我地, 要我地做手工, 完成後可以貼上broad. 於是, 我努力的用顏色筆油碟邊, 媽咪就用紙剪出太陽, 雲雲同草草俾我貼上. 經我地合作下, 終於大功告成, 可以放學了.
