今日媽咪冇同我返學, 改由爸爸帶我去. 因為爸爸唔孰路, 唉, 唯有我話俾佢知邊到出口坐小巴啦.
好似昨日一樣, 返到學校坐低玩玩具冇耐, 爸爸又話要去隔離房. 但我有少少唔想呀, 眼仔紅了一陣, 不過老師話爸爸會好快番, 唔駛怕喎. 都冇法啦, 未同爸爸拜拜囉.
老師果然冇講錯, 過咗一陣, 食完茶點, 爸爸就黎接我放學了, 好野.
我地坐的士沒有去九龍塘地鐵站, 反而去了樂富, 因為媽咪係樂富返緊工, 我地想去見媽咪囉. 爸爸帶咗我去快餐店, 一邊食粉粉, 一邊等媽咪.
好快, 媽咪就到了. 不過, 我見唔到媽咪帶袋袋出黎, 於是我問媽咪個袋袋去咗邊. 媽咪答話係辦公室喎. 我好唔開心, 因為我知道媽咪好快又要返工. 但冇法啦, 媽咪話會好快返屋企, 叫我乖乖地跟爸爸返去先. 我唯有點頭, 目送媽咪離開. 媽咪走咗之後, 我已忍不住眼紅紅了. 爸爸見我咁傷心, 唯有即刻帶我返屋企, 免得我繼續諗住媽咪.
hehe, 返到屋企又冇事lu, 繼續玩玩玩....