今日係boxing day, 我地去深水埗食完早午餐後, 爸爸去咗行電腦商場, 而媽咪就同我去油麻地會合姐姐去學游水. 游完水後, 爸爸車車已在樓下等我地, 不過姐姐就自己坐地鐵返屋企, 我同媽咪就上咗爸爸車車. 啊! 原來雄哥哥亦係車到. 不一會, Florence姐姐同Hilbert哥哥都上埋車, 我地一齊出發去屯門飲呀.
去到屯門一間酒樓, 我地入去已經book好既貴賓房, 此時, 其他哥哥姐姐都黎了, 仲有一個小朋友添. 爸爸就同其他哥哥打麻雀, 媽咪就同姐姐唱k傾計, 我唯有同小朋友玩uno啦.
七時多了, 終於到咗食飯既時候, 原來今日食海鮮餐. 雖然個個都食得津津有味, 但我只鍾情煙燻鴨啫. 食飽飽後, 佢地大人便開始交換禮物, 佢地睇黎十分enjoy, 不斷大叫, 但我就覺得唔係太好, 因為佢地好嘈! 唉! 都係快啲返屋企拆禮物開心啲.
