放尞个時節

放尞个時節

各位先生、各位同學 ，大家好
我是 號，我今天要講的題目是放尞个時節。

放尞个時節最歡喜个係做得睡到飽正吭床，無像上課時節，逐日在目睡摸些就分阿姆拉到食飯桌項，逼娾食朝，緊食還緊講：「遽兜仔，會赴毋cad了！」

其實放尞娾兜也無睡到盡晝啦！大約仔八點半就吭了，加睡點半鐘仔定定，就當滿足，遂儕都笑咪咪仔了。

放尞日一般來講係我屋下个運動日摎祖孫三代个親子日。我有一個好運動个阿爸，他講放尞定著愛出去行行啊，看山看水，顧好目珠，流兜仔汗對身體會卡好。他最驚我近視摎變軟腳蟹」，故所放尞日一定愛運動排第一。


內湖運動公園、天母運動公園、金面山、陽明山全部走透透，他也盡愛騎自行車。有一擺全家騎到淡水，有一段路堵好轉彎又下斜，老妹煞毋記得用擋仔，車仔就直直撞等下去，看等就愛撞到壁了，該良時，阿爸、阿媽將車仔一vog.走等去追，正佬老妹个車仔拉停下來，該在!「有驚無險」。不過我「心寒膽震」膽就嚇濫忒了，奇怪个係老妹無哭，顛倒我煞哭毋會停。這擺个事情分我了解到爺哀拼命保護子女个心，係我一生人都無法渡好報答个。

故所放尞日另外一項盡要緊个事，就係去陪阿公、阿婆，老古人講:「千跪萬拜一爐香，毋當還生一碗湯」因為阿公、阿婆年紀大，無適合kied山、騎車仔。故所佬阿公、阿婆約佇百貨公司見面食飯。阿公佬阿爸打嘴鼓大約仔係講運動佬阿爸頭路个事情，阿婆就較關心我兜个生活，常係問我兜：「上擺帶轉去个雞湯有食無？」，「上擺買分你兜个衫褲有著無？」無就想著就打電話交代這、交代該，不時就想等我兜，分我想到一句諺語:「爺娘想子長江水，子想爺娘擔竿長。」

阿公、阿婆常常講我兜帶分他快樂，我感覺係他兜帶分我快樂。總說一句，歸屋下人共下就係享受「天倫之樂」就係快樂大放fong送啦!

放尞日有倘時我兜也會去書店看書，也是逛街買東西。

放尞个日仔過到當輕鬆、當歡喜。毋過我心肝肚還係有一個小小个願望：希望下二擺有較長个放尞日，阿爸、阿媽做得帶我出國去尞。

我个演講結束了，恁仔細，正來尞。