我最好上个課

我最好上个課

各位先生，各位( )，我是( )號。我今天要講的題目是，我最好上个課。

我最好上个課就是避暑學校開个科學課，有當多同學都好，故所報名比搶過年的火車票還較難搶。報名該日，我都不敢睡，半夜十二點時間一到，娾黏時按下電腦，無到幾秒鐘就無名額了。我就係恁樣搶到个。

先生安排个課程完全係作實驗為主，有吃个、有玩个、還過有變奇術。我現這下就來紹介一兩項分大家知。

第一項是仰般作軟冰。

熱天遂儕都當好吃冰仔，先生講今埔日要教我兜做最健康又衛生个軟冰喔!

先生拿香蕉、番蒜佬西瓜，一項一項放入軟冰機，開關一按開始慢慢仔攪啊攪仔。在等个過程肚，先生同我兜講軟冰个作法其實係中國人發明的。唐朝末年為了生產火藥開採出大量的「硝石」，「硝石」做得分水降溫到結冰。從該良時開始，中國人就會做冰仔了。一直到十三世紀馬可波羅來到中國，正佬作軟冰个方法帶到義大利，再慢慢仔傳到全世界。
先生講啊忒，軟冰也做好了。

大家歡喜到大馬聲喊，先生講今埔日分大家食道喇，我兜大口大口个吃，忽然間有一個罄圖食个同學說，「先生！我个肚子變冰庫了！」先生講「吃飯打赤膊，做事尋衫著。」毋好食特遽。同學全部都大聲笑，害个隻同學敗勢到面洪激吒。

。
第二項，天燈飛起來，幸福跟著來。
天燈又安到孔明燈，相傳是三國時代的諸葛亮發明用來求救兵个，慢慢流傳到這下，煞變到遂年个正月半，滿奈會放天燈，祈ki求平安。

先生講天燈會飛係靠熱空氣的浮力。我兜用泡茶个茶包做一隻燈籠，裡肚放一枝蠟燭，最尾點火分燈籠肚个空氣變燒再分它飛上天頂。娾這組有一個同學總會講，全毋亭動。分娾想到先生教過該一句諺語:「力賤得人敬，口賤得人惱」。佢真系盡得人惱。

我們輕手輕腳定定放天燈，大家都很緊張。拜託拜託風不毋好佬它吹歪忒，萬一著火就壞盡盡咧！該在天燈越飛越高。哇！成功了！成功了！大家都當歡喜。上了這擺个科學課，分娾發現原來生活中奈位仔就有科學，也分娾對遂項事情多一份思考个方向。

今年个課程正結束，我就期望明年遽遽來，做得分娾有夠較多个體驗，學卡个多東西！

我的演講結束了。恁仔細，正來尞。