休息左2日, 今日有得返學了, 唔係太想起身, 最後無搭校車, 同obi一齊搭的士返學, 賢姐拖住我同obi入學校, 同媽咪分開, 我全無半點依依不捨, 我對學校生活已經適應得唔錯了!
放學搭校車返屋企, 我又係第一個起身想落車, 見到媽咪就笑晒, 又攬又鍚, 好嗲, 返到屋企變返隻馬騮, 好跩, 早兩日病到呆, 媽媽好開心見到我變返百厭仔! 可能返學太開心, 成個下午都唔願訓, 後來miss lee打電話來揾媽咪, miss lee話我今早初時吽吽地, 無幾耐就生猛晒, 又學老師講野, 食茶點都好乖, 今日飲維他奶, miss lee知我啱啱病好, 比少少我飲, 等我開心吓, 然後飲水.
整個下午無訓覺, 到六點半先肯訓, 訓到唔食飯, 媽媽被我感染了, 開始感冒, 一個病完到一個, 大家要小心身體哦.
