今日派回手冊, 我的第一次校內表現報告由班主任填寫了, 果然不出所料, 大部份事情如"專心上課", "保持整潔", "懂得將玩具放回原處", "和藹有禮", "愛護公物"... 等等共11項, 我都只係"間中做到", 只有其中一項"開心玩耍"我通常做到! 我好鍾意返學, 但返學唔係淨係玩哦, 要比心機學習, 做個好孩子, 先得架!
放學坐校車回家, 到站了我都唔發現, 原來我在"中眼訓", 一落車就馬上搭的士返婆婆家, 逢星期五都係咁, 返左學都唔例外, 媽媽發現我的書包竟然和婆婆的買餸籃一模一樣, 綠色格仔布料, 連花紋都全完一樣!
咳咳仲未清晒, 仲有痰, 晚飯無乜胃口, 返到屋企10點左右, 竟然在商場大吵大鬧, 又喊, 原來我好眼訓, 現在返左學, 九點半左右就要訓, 早睡早起故然好, 但今晚連涼都無沖, 媽媽唯有幫我抹下身, 開冷氣, 先訓得舒服d.