宇晴軒百佳超級廣場門口開左一個小食檔, 有一個姨姨專賣雞蛋仔, 格仔餅和小丸子, 星期一上完畫班, 婆婆帶我買雞蛋仔, 我唔係第一次食, 但新鮮做起的雞蛋仔熱辣辣香噴噴, 特別難忘.
今日上完english excel, 我又拉住媽媽去買, 話想食"蛋仔". 姨姨話要等一陣, 因為已經有一位叔叔O係度等緊, 我話"我地等一陣啦!" 等待係漫長的, 媽媽抱起我睇住姨姨, 解釋製作過程俾我知, 其間又有其他人來買, 真係好受歡迎. 等左5-7分鐘左右, 終於等到了, 我興奮地問:"係咪Isaac架? 係咪Isaac架?" 問完又問, 直到俾左錢, 唔該和拜拜姨姨, 雞蛋仔攞到手, 我先相信紙袋裡面的雞蛋仔係我的.
雙手捧住雞蛋仔返屋企, 沿途我愉快地向小朋友展示:"睇下, 有雞蛋仔呀!" 想請人食, 但對方當然婉拒. 未返到屋企已忍唔住想食, 媽媽見我剛剛去過洗手間洗手, 就容許我"住行住食", 咁先夠街坊feel. 一包雞蛋仔已夠我開心半天, 小朋友的願望真簡單直接, 真可愛.
