親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
安頓好姑媽同marco和準備了姑媽的晚飯之後...我們一家又要去出席柯拉叔叔既婚宴...今晚多得謙謙哥哥同will will玩...媽咪就可以同2個嬸嬸(mona & kabo)吹吹水...爸爸就同叔叔們玩...
中文記憶法16:00-17:30
今早起身收到姑媽既訊息...01:43am表弟Marco 出世了! 重3.825kg 今晚媽咪放工後接完will will放學...就去左e院探姑媽同marco....第一眼見到marco就覺得好似喜兒...因為will will吾入得去睇marco...媽咪就影左相比will will睇...逗留左半小時後我地就走lu...去到沙田新城市廣場...見到好靚既聖誕佈置...媽咪同will will都留步影下相....返到上水爸爸剛收工...所以係上水食埋飯先返屋企....
14:00~15:00 Jolly Phonic & Oral
今日媽咪同爸爸放工返到屋企...姑媽就話有d肚痛(作動)...所以快快食埋餐晚飯...媽咪同爸爸就送姑媽去e院...喜兒表妹見到姑媽離開時就大喊起來...到了e院送姑媽到病房同辦了入院手續之後...媽咪同爸爸就回家...返到屋企已10:30pm...2個小朋友都仲未瞓...攪掂will will去瞓覺之後...最擔心就係第1晚同merry瞓既喜兒...初時都吾肯上房瞓...係都要係廳等姑媽...最後擾攘到12點先肯跟merry上房瞓...今晚總算順利...
珠心算16:30~17:30
一家人同姑媽,喜兒去沙頭角中英茶餐廳食lunch...食完lunch...爸爸就係屋企做維修師傅...維修紗窗,更換後院既照明燈同埋更換洗衣機去水喉...媽咪就幫爸爸清潔lorry既車廂...忙忙忙又一天...
今早媽咪一早就同自己染髮...之後中午...自己出去買餸同買lunch(群記)返屋企...姑媽,will will同媽咪都好鍾意食群記....but喜兒表妹就唔係咁like... 因為之前will will自己邀請左b橋嚟我地屋企玩...b橋一直記住了...仲打電話比我問幾時可以嚟玩...所以今日stay home就問joey契媽可否帯b橋嚟玩...契媽待b橋上完畫班之後就車左b橋嚟玩...再回家接埋梓縈嚟玩....因為joey契媽夜晚有約..所以玩左2個鐘佢地就要返屋企...b橋又係好吾捨得走呢....
8:25am will will打比媽咪好慌張咁話:校車走左la..佢冇等我就走左la... 媽咪:吓...吾係呀... will :係呀,走左la...我行到去樹頭下見佢走左la... 媽咪:等媽咪打比校車司機問下先... 媽咪打比司機問...司機話今日神召會教師發展日吾駛返喎...媽咪當時真的非常尷尬...之後即時打比will will...話佢知今日教師發展日吾駛返...此時此刻..will will也記起了... 自從姑媽同喜兒回來之後...媽咪就忙左好多...竟然忘記左will will學校今日係放假一天...真係失策!
今日約左公公婆婆and maymay ee family係元朗飲茶...飲完茶...媽咪同will will去左maymay ee屋企玩...hoyee chu 同will will仲一齊畫angry bird...yuet yee chu都大個左好多...好可愛呢!
今日will will返完交通安全隊之後...媽咪就同will will去左ken叔叔度剪髮...今次媽咪都剪埋...剪髮後仲係商場同芝麻街公仔影相...最後再去埋圖書館借圖書....再買埋餸先返屋企....
今日媽咪親自到嘉福榮真小學睇結果(冇網上睇結果)...未到9點已到...雖然預左第一次吾收...但都係會有緊張心情...結果60個名單中係冇張君禮個名....唯有寄望下次既電腦派位能夠成功... 今年北區學額有2600個位...但係小一學位申請就有4000人...嚴重欠學位...比往年欠600個更嚴重...攪成咁就係多得d雙非兒童...點解強國人奶粉又要搶,益力多又要搶,連學位都要爭...真令人反感又討厭!
飲茶with公公婆婆and maymay ee family
今日帯will will返交通安全隊時...係will will課室門口見到will will既自畫像...so cute!
玩完花栗鼠寶堡之後...爸爸放工後就接埋我地返屋企..之後一家人就去左曾宇詩屋企參加bbq birthday party... 想當年爸爸係上麻雀嶺讀小學時...每日幫親開既住家士多就係曾宇詩既嫲嫲開既..士多係係小學既隔離...而曾宇詩既2個姑姐亦係爸爸既小學同學...真係估吾到而家咁啱既係...曾宇詩同張君禮同一間幼稚園又同一架校車...真係好"橋"呢!
hotpot dinner @上水稻香with惠儀契媽,rick哥哥,婉君姐姐,joey契媽family
will will旅行後放假一天