親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
爸爸一連返左15日工..今日終於放假...所以要留係屋企义電... 媽咪同will will就約惠儀契媽一齊去大圍探惠欣既小b朗軒.... 小b朗軒好男孩子樣...同佢爸爸一個餅印...勁似樣! 夜晚...一家3口去左上水稻香hotpot...yummy yummy!
今日一早帯will will返學參加交通安全隊..之後媽咪就自己嘆番個豐富早餐等will will放學...放學後就帯will will去ken叔叔度剪髮... 下午...琦琦同讚讚嚟左搵will will出去踩單車...有merry睇住...媽咪可以自己休息下!
中文記憶法16:00-17:30
今日唔該晒爸爸將焗爐送到長沙環保養公司維修,希望可以快d整好
珠心算16:30 -17:30
今日中午媽咪同will will約左maymay ee一家人係元朗食lunch...之後因為媽咪要去剪髮...所以將will will放係ee屋企....玩住等媽咪...剪完髮媽咪先去ee屋企接返will will....而家既yuetyee chu真係好得意好好玩... 爸爸今日難得可以收早小小...所以媽咪同will will都趕返屋企陪爸爸...夜晚媽咪煮飯...一家人食晚飯...
一家人hotpot@金香with惠儀,rick & 婉君
今早媽咪同will will約左公公婆婆,表姐係上水行樂軒飲茶....之後去左唐公嶺...因為媽咪要幫tammy表姐填升中表...經過一個星期表姐想通了好多...終接受老師既意見...實在太好了... 夜晚...婆婆'yip'左d雞亦同豬扒...我地bbq完先走....
今日媽咪帯will will去patsy屋企參加364大食會garthering...好多好耐冇見既舊同事...真係好難得...多謝patsy悉心安排食物同遊戲...大家玩得好好好開心...期待下次聚會快來!
今早諗住整日式cheese cake做早餐,點知買左唔夠2個月既焗爐壞左,即刻成個人down晒!激c
今日去maymay ee屋企...係為了同ee商量tammy表姐既升中選校排位..其實學校已經比左好多comment同資料家長...目標已好清晰...but tammy表姐性格實在太硬頸...又唔接受自己既成績要選d band3學校...真係令媽咪同ee冇tammy辦法...希望tammy明白想通...tammy既班主任李老師真係一個好好好老師...不時在夜晚打電話同媽咪跟進tammy既情況...而家做老師真係唔簡單...今次既升中選校表先填copy版本交老師check...如有問題可改...再次交更正版本...最後先填正本交老師...因為tammy表姐既關係...媽咪經常到于良發小學同接觸老師...對小學印象感覺很好亦好喜歡d老師對學生既關心同愛護...唔知willwill可唔可以小一升讀于良發呢?
昨晚去完tammy學校既seminar...tammy嚟左我地屋企...今日爸爸放假...中午4人行去左沙頭角食lunch...呢個傻豬will竟然唔食雞米...食炒公仔麵...我地當然食至愛既咸菜雞米啦.... 今晚決定bbq唔煮飯.. 到左下午...我地就出左去聯和墟買bbq食物... 買完返到屋企...媽咪就同will will & tammy去踩單車...媽咪上月做完激光手術後係第1次踩單車...而家唔駛帯眼鏡...真係好好好開心...以後做咩運動都好方便...超正呀!!!
19:30~22:00 出席 tammy升中seminar
過了一星期既冷戰...呢個星期...媽咪不斷叫will will自己諗辦法去同爸爸道歉...之前will will一直冇勇氣又好驚爸爸拒絕佢...所以一路拖到昨晚... 爸爸收晏...媽咪等埋will will放學後返到屋企....見到will will寫左張紙...準備比爸爸...內容係..."BA BA ,SORRY will 16-4-2012 "...媽咪問will will咩呢架...will will話係道歉咭...哈哈..媽咪冇教佢都諗到..真係有進步...勁...祝你成功道歉...等到爸爸返到屋企...will will又唔敢比爸爸..叫媽咪幫佢比..媽咪當然拒絕佢啦...因一人做事一人當嘛...最後will will鼓起勇氣將道歉咭放在爸爸飯枱上...不過爸爸冇理佢繼續食飯...媽咪同will will講...你要親口同爸爸道歉架...will will好驚唔敢...又衝去攞番張道歉咭...這晚道歉行動尚未成功... 今日爸爸收早自己返屋企先...媽咪知道will will又再次行動...將道歉咭放在爸爸2樓電腦枱上...爸爸當時見到問will will咩呢架...之後...2仔爺終於和好如初了....媽咪也放下心頭大石了...
今日帯will will去拜祭媽咪既外公外婆,太婆&大舅父...約左婆婆,tammy,舅公舅婆,在中,maymay ee,hoyee,siu lung e丈一齊去... 拜完山之後去左maymay ee屋企探下yuet yee chu...因為明天will will要返學...所以6點左右就要走...媽咪冇買餸...所以同婆婆& tammy係元朗食埋飯先返屋企...
返完交通安全隊之後...媽咪帯埋merry姐姐去婆婆屋企做清潔...夜晚食埋飯先返屋企...
今日媽咪返工...爸爸放假可以陪will will玩...點知下午2仔爺就開始冷戰了...因爸爸要到元朗車廠更換繞流..所以接埋媽咪返屋企...媽咪見到爸爸時...爸爸冇晒心機不發一言...知爸爸好唔開心...知爸爸脾性..媽咪也不敢多說話讓爸爸自己冷靜下...返到屋企...媽咪問will will發生咩事...will will同媽咪講時仲好激動...話自己有唔啱..爸爸都有唔啱...佢話向爸爸道歉都冇用唔會原諒佢...所以冇向爸爸道歉...媽咪同will will講..你唔同爸爸道歉...爸爸係唔會原諒你架...你自己決定喇...當晚佢都冇向爸爸道歉.... 聽will will講係因為打機問題同爸爸鬧交..向爸爸發脾氣... 唔知佢2仔爺幾時先會和好如初呢?
拜山with叔婆一家&姑婆太一家,超攰的一天呀!
之前2日都出左去玩...今日媽咪同will will留係屋企休息下...留番d體力明天去拜山... 早餐...係屋企食蒸燒賣... 中午...蘑菇雞肉意粉... 下午同will will睇功課同做練習簿... 之後同will will玩下棋同講故事... 夜晚...will will太肚餓冇等爸爸放工返嚟就自己食飯先... 今晚...媽咪又燉左化痰止咳湯比佢2仔爺飲....媽咪此終覺得平時既保健湯水好緊要...之後媽咪等爸爸返嚟先一齊食飯...
今日媽咪帯will will去左參加學警童心活動...做了軍裝警PC101503...
今日係tammy表姐生日...夜晚約埋maymay ee一家人一齊返唐公嶺同表姐慶祝生日...祝tammy生日快樂,日日都開開心心!!!