親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日中午約埋joey契媽一家係上水食野...咁啱老公收早join埋我地一齊食... 因我地屋企電飯煲爛左...食完野我地就一齊去睇電飯煲...咁啱joey契媽又想換電飯煲...所以之後我地就買左同款式既電飯煲...因joey契媽識人仲有有9折tim...實在太好la...
今日中午出去聯和墟買餸...買完餸諗住去群記買外買返屋企食...點知去到門口見到群記寫住休息一天...will will好失望...因為沙頭角雞米已經冇得食(聽叔婆講因老細做左手術,未知會否再開)...而家連牛丸河都冇得食...我同will will講...下星期再嚟食...一定會開門ka...佢先開心番... 夜晚...我叫左婆婆佢地嚟我地屋企一齊食飯...will will突然問我... will :媽咪,舅父嚟唔嚟食飯ka? 我 :我唔知呀...你唔想舅父嚟咩...我打比舅父話你唔想佢嚟先... will :唔好...唔好呀...我講笑姐...(呢個will will最怕舅父同公公) 到左6點幾...婆婆,公公,表姐同舅父都嚟左...平時既will will要媽咪同爸爸不斷要提佢"爬"飯"爬"飯....佢先食晒d飯...hehe..今晚既will will好快咁食晒d飯...
play football with 爸爸@聯和墟球場
今日老公同will will出上水等我放工...佢2仔爺出上水仲有另一目的...就係去買thomas隧道同橋...之後我地去左元綠食壽司...will will今次食左一個玉子手卷,一個辣辣冷麵,一個蒸蛋,2塊炸南瓜片同埋幾舊壽司飯...呢個傻豬就嚟食得多過媽咪la...will will d口味似我又似老公...一家人食野時真係好開心!
今日老公放假...朝早就送will will上校車...下午就去學校接will will放學...之後2仔爺梗係去M記食lunch la...will will今日食左好多野...有薯條,麥樂雞,雞奕,士多啤梨奶昔同士多啤梨雪糕...
今晚返到屋企...will will話有d野同我講... will : 媽咪,多謝你照顧我,我愛你! 跟住仲攬住我咀左我一啖.... 聽到will will咁講...sweet到爆...真係冧c我la... 當時既我開心到攬住will will係咁錫錫... will will, 媽咪I LOVE YOU,TOO.......... 初時以為will will剩係對媽咪講呢番說話... 原來同媽咪講之前已同爸爸講了同一番說話.... haha..我諗老公一樣都係比will will冧c左......
今日will will收到琪琪姐birthday party邀請咭
今日中午..我同will will去左太和M記...參加晴晴姐姐6歲birthday party...正日係6月10日...will will因為唔認識晴晴姐姐d同學仔...所以全程痴住我...連遊戲都冇玩...完左生日會...我同will will去左晴晴既ee屋企...可以比佢同晴晴姐姐玩吓...雖然佢2個唔係成日可以見面...但係一見面一齊玩既時候就好啱key...仲玩得好happy tim... 玩到6點...老公放工就嚟接我地去婆婆屋企做節食飯...今晚有我地一家,太婆,叔公一家,maymay ee一家& 蘭姑婆一齊食飯...開開心心做節... 晴晴姐姐,生日快樂呀!晴晴姐姐6歲birthday party @ 太和M記
今日天氣炎熱...梗係要去享受陽光與海灘既時候....原本我地一家約左 maymay ee一家 & tammy去沙灘.....到最後巧合地join埋joey契媽一家 & joey契媽既朋友...5個家庭一齊去石澳沙灘玩... 今次係hoyee chu第1次去沙灘...佢好犀利唔怕水...仲玩到好happy tim...不過佢就怕玩沙唔鍾意落地....而今次will will都係玩到唔捨得走...佢仲話要玩到6點先走....係咁問做乜咁早走... 夜晚我地一家同joey一家去左上水街市食埋飯先返屋企... 今晚tammy表姐嚟左我地屋企瞓...2011年第1次下水禮@石澳沙灘will will同b橋最愛玩沙 ...maymay ee & joey契媽 (2個大肚靚媽)
今日...我同will will約左joey契媽,b橋,yauyau & yan契媽係pizza hut食lunch預祝yauyau 6月5日7歲生日....食完lunch...yauyau要去返珠心算.... 我同joey就帯左will will同b橋去遊樂場玩....咁啱撞見老公放工...玩完..買埋餸就坐老公車返屋企...
由下學期開始...我就教will will執書包...到而家will will已經學識自己執書包...記得星期一要帯d咩書...星期二就要還圖書...星期三就帯....星期四就帯...星期五就帯....全部已經記得晒... 媽咪都要讚一讚will will做得好好....very good!
今日下午我帯左will will去聯和墟M記參加寶笙生日會....起初will will怕羞唔肯出去同同學仔玩...係都要痴住我...好彩食完野...佢就同d同學一齊玩遊戲...仲玩得好開心tim...happy birthday to 寶笙!
今日老公放假....一家人去沙頭角食雞米...點知今日都仲未開門...will will又再次失望...最後都係去左中英食... 原先約左yauyau,yan,b橋 & joey晏晝嚟我地屋企玩...但因為yauyau隻腳比野咬後腫晒同流濃要去左醫院睇e生...知道yauyau蹳唔到...will will不停問我點解yauyau哥哥唔嚟...仲乜要去e院睇e生...咁yauyau哥哥嚟唔到...咁契媽嚟咪得囉...呢個傻豬真係攪鬼...哥哥嚟唔到契媽梗係唔嚟得la...因為要照顧哥哥嘛...希望yauyau快d好番la.... 之後...b橋同joey都有嚟我地屋企玩...由於得一架小朋友單車只可給will will踩...所以今日我就踩單車載b橋...雖然b橋冇得踩...原來做乘客既b橋都好開心...夜晚...joey一家係我地屋企食埋食先走...
今日will will學校開生日會,可以着便服
今晚食完飯...will will就跟左爸爸出去聯和墟踢波....will will識到一班朋友仔...全部都係爸爸同事既囝囝囡囡...真係太好la... 今晚媽咪終於有小小時間做d自己野...hehe..如果每星期佢2仔爺都出去玩就好la...
今日will will食晒D藥,已經好番好多la...
今日姑媽同喜兒表妹返左北京
姑媽話...衛e生問will will有d咩唔舒服.... will will就同e生講:我今朝6點半起身咳到瞓唔着... e生 :唔....(e生諗瞓到6點半起身都叫瞓唔着?????) 姑媽話當時聽到will will咁講覺得好攪笑...
今日一早就掛起黃色暴雨警告...之後仲紅色暴雨警告tim.... 因為姑媽要去深圳做d事....merry又要就做清潔...所以我就要照顧喜兒表妹同will will...喜兒表妹一唔見姑媽佢就會喊...好痴姑媽...好彩喊左一陣都停左...加上勁鍾意呷表妹醋既will will...一個人湊2個真係唔容易...好彩只係幾小時...可能年紀大左已經冇咁好體力la...
今日中午...我同will will,姑媽,喜兒去左中英茶餐廳食lunch...食食吓仲見到叔婆tim...之後我地又去左welcome shopping...呢個will will仲氹到姑媽買左好多零食比佢tim... 下午4點幾...我帯左will will去琪琪姐姐屋企玩...琪琪姐姐彈琴時...will will又攞住個小號吹...同琪琪姐姐合奏...好投入咁...好攪笑... 因為琪琪媽咪係小學老師....今日好多謝佢同媽咪分享左小學升中學既意見...希望了解多d能夠幫到tammy表姐...
今日爸爸放假去接will will放學,2仔爺M記食Lunch
喜兒表妹同姑媽返左嚟,係我地屋企住幾日
今日同學仔寶笙派左一張邀請咭給will will....邀請will will 5月29日到海聯M記參加生日會...
will will終於學識"呻"鼻涕,之前一直都係將d鼻涕"索"落喉嚨
今日老公放假....我地一家同公公婆婆 & maymay一家係元朗飲茶...飲完茶行左一陣街...will will又有收穫...就係老公送左一個洗車站同一d路軌比亞仔....之後返到上水join埋joey一家係上水行左一陣...我仲買左一對涼鞋比will will...之前一直想買...咁啱joey比左d 7折coupon我地...所以只係用左$150就買左對adidas涼鞋...will will仲好鍾意tim... 之後joey同b橋仲嚟左我地屋企玩左一陣....
今日一早我同will will & merry出左去聯和墟...先帯左will will去剪髮...然後去買餸...買完餸再去埋welcome shopping先返屋企.... 呢個will will明明食米粉...見到我食出前一丁...佢又話要食...即刻用快子夾我個碗d出前一丁...我同佢講...你都有米粉食la又食我d麵...佢就好認真咁同我講...媽咪..好食要分享嘛...你都可以夾我d米粉ka....就係咁呢餐我地又食米粉又食麵....2母子嘻嘻哈哈又一餐....
今日係佛誕假期...中午同will will去沙頭角食雞米...點知今日都仲係休息...冇開門...我同will will都好失望...我地唯有去中英茶餐廳食lunch...雖然中英都有雞米...but我地都係覺得街市個間好食好多...又經濟又好味... 之後...我同will will又去welcome shopping後先返屋企.... 4點幾...will will好朋友琪琪同振振又嚟左搵will will去踩單車...今次係琪琪媽咪帯佢地出嚟玩...媽咪就同琪琪媽咪傾吓計....原來琪琪媽咪係粉嶺神召會小學教書...琪琪今年9月會入讀粉嶺神召會小學...琪琪讀小學後就唔同will will一齊搭校車...haha...到時will will一定好唔捨得lu...
琴日忙碌左一日...所以今日母親節留係屋企休息...中午同will will去沙頭角食雞米...點知冇開門...之後我地就去左中英茶餐廳食...食完去埋welcome shopping tim.... 下午...我就同will will溫習吓...同埋做吓線條練習.... 休休閒閒咁過左母親節!
因為婆婆比較鍾意食住家菜多過外出食飯...所以做囡既媽咪就負責今晚既餸菜...今早我自己出左去買餸...今晚既餸有....生炒骨,咖哩雞,土魷馬蹄蒸肉餅,鼓汁蒸烏頭魚,鼓汁炒蜆,蝦醬炒通菜,蒜容炒莧菜再加埋個紅青羅白馬蹄煲豬骨湯....雖然要用大半日時間準備呢餐餸菜....但係媽咪見到一家人可以開開心心咁食飯...就算幾辛苦都值得... 記得媽咪細個既時候...見到婆婆係廚房大汗疊細汗唔停手咁煮餸菜比我地同親戚們食...當時既我唔明白點解婆婆要咁辛苦...而家既我完全明白...多謝婆婆多年既辛勞...婆婆,母親節快樂! 食完飯...我地一齊食蛋糕...maymay ee買個蛋糕有好多棉花糖...will will好鍾意食...連hoyee chu都自己食晒一件.....yummy yummy.... 仲有要多謝tammy送我一束黃色既康乃馨花! 中午joey契媽同b橋嚟左我地屋企玩...will will同b橋一時就糖痴豆...一時又水溝油...好攪笑...小朋友既世界就係咁架la...
今日中午will will打比我...同我講...母親節快樂,媽咪我愛你!...仲話自己整左條手鍊送比我....仲有一枝由學校義工媽咪做既絲襪花...當時聽到真係好開心...好冧呀... 放工返到屋企...收到will will既禮物...真係好sweet sweet呀... thanks will will... i love you!